അക്ഷരായനം

വായനയും വായനേതര പ്രവർത്തനങ്ങളും വഴി അറിവ്, സർഗ്ഗാത്മകത, സംസ്കാരം, സമൂഹ പങ്കാളിത്തം എന്നിവ വികസിപ്പിക്കുന്നതിനായുള്ള പ്രവർത്തന വിഭാഗങ്ങൾ.

വായന വായനേതരം വായനാമികവ്

വായന

വിവിധ പ്രായത്തിലുള്ള വായന ഇഷ്ടപ്പെടുന്നവരെ കണ്ടെത്തി, വിവിധ ഗ്രൂപ്പുകളാക്കി പ്രത്യേകം വായന പ്രവർത്തനങ്ങൾ നൽകുക എന്ന ആശയത്തെ അടിസ്ഥാനമാക്കിയുള്ള വിഭാഗങ്ങൾ.

കാറ്റഗറി 1

കൂടുതൽ വായിക്കുക

1,2,3,4 ക്ലാസ്സിലെ കുട്ടികൾക്ക് വേണ്ടിയുള്ള വായനാ ഗ്രൂപ്പ്‌ ആണ് കാറ്റഗറി -1. അക്ഷരങ്ങളുടെ ലോകത്തിൽ പിച്ച വയ്ക്കുന്ന പ്രായത്തിൽ കുട്ടികളിൽ വായനയോട് താല്പര്യം വളർത്തിയെടുക്കുകയാണ് ഈ ഗ്രൂപ്പിന്റെ പ്രധാന ലക്ഷ്യം.ചിത്രങ്ങൾ നിറഞ്ഞ ലളിതമായ കഥാപുസ്തകങ്ങൾ, , കുട്ടിക്കവിതകൾ എന്നിവ കുട്ടികൾക്ക് വായിക്കാനായി നൽകുന്നു വായിച്ച പുസ്തകങ്ങളെക്കുറിച്ച് ലളിതമായി സംസാരിക്കാനും, കഥാപാത്രങ്ങളെ വരയ്ക്കാനും, കഥ സ്വന്തം രീതിയിൽ പറഞ്ഞുനോക്കാനും വ്യത്യസ്തങ്ങളായ പ്രവർത്തനങ്ങൾ ചെയ്യാനുമുള്ള അവസരങ്ങൾ ഇവിടെ ലഭിക്കുന്നു. ഇത് കുട്ടികളുടെ ഭാവനയെയും ആത്മവിശ്വാസത്തെയും വളർത്തും.സമപ്രായക്കാരായ കൂട്ടുകാരോടൊപ്പം വായിക്കുമ്പോൾ വായന കൂടുതൽ ആസ്വാദ്യകരമാവുകയും ചെയ്യുന്നു.

കാറ്റഗറി 2

കൂടുതൽ വായിക്കുക

അക്ഷരമക്ഷയമക്ഷരായനം പത്താമത് വായനോത്സവം

5, 6, 7, 8 ക്ലാസ്സുകളിൽ പഠിക്കുന്ന കുട്ടികളുടെ ഗ്രൂപ്പാണ് കാറ്റഗറി 2 (C2) കുട്ടികളുടെ രജിസ്ട്രേഷൻ നടന്നു കൊണ്ടിരിക്കുന്നു. അവരെ ചേർത്തു പിടിക്കുകയും പ്രോത്സാഹിപ്പിക്കുകയും ചെയ്ത് 10 പേരടങ്ങുന്ന അദ്ധ്യാപകരും രക്ഷകർത്താക്കളുമായി ഒരു സംഘം C2 വിനെ നയിക്കുന്നു. അക്ഷരായനം ജോയൻ്റ് കോർഡിനേറ്റർമാരായ ശ്രീമതി രമ ടീച്ചർ, പാർവ്വതി ടീച്ചർ എന്നിവർ ഏതു സമയത്തും എല്ലാ വിധ സഹകരണങ്ങളുമായി ഗ്രൂപ്പിൻ്റെ ഭാരവാഹികളായി പ്രവർത്തിക്കുന്നു.

കാറ്റഗറി 3

കൂടുതൽ വായിക്കുക

9, 10, 11& 12 ക്ലാസ്സുകളിലെ വിദ്യാർത്ഥികൾക്കു വേണ്ടിയുള്ള ഗ്രൂപ്പാണ് കാറ്റഗറി-3. സ്കൂൾ പഠനകാലം ഏറ്റവും ഗൗരവതരവും സങ്കീർണവുമാകുന്ന സമയമായതിനാൽ ഈ കുട്ടികളെ അക്ഷരായന വായനയിലേക്ക് ചേർത്ത് നിർത്തുക എന്നതുതന്നെയാണ് ലീഡ് ടീം നേരിടുന്ന വെല്ലുവിളി. ബാലസാഹിത്യത്തിൽ നിന്ന് പൂർണ്ണമായും വിടുതൽ നേടിയ, മുതിർന്നവർക്കുള്ള വായനാ പുസ്തകങ്ങളാണ് ഈ ഗ്രൂപ്പിൽ വായനയ്ക്കായി നൽകുന്നത്. മുതിർന്നവരുടെ പതിവു രീതിയിൽ നിന്നും വ്യത്യസ്തമായ കാഴ്ചയും ക്രിയാത്മക ഭാവനയും ഉള്ള വായനക്കാരാണ് C3 കുട്ടികൾ. വായനയുടെ അനുബന്ധ പ്രവർത്തനങ്ങളിൽ ക്രിയാത്മക രചനകൾ കൊണ്ടവർ അത്ഭുതപ്പെടുത്താറുണ്ട്. കവിത, നാടകം, ചിത്രം, പ്രസംഗം, തിരക്കഥ, ഡോക്യുമെൻ്ററി ഫിലിം എല്ലാം ഇവയിൽ പെടുന്നു.

കാറ്റഗറി 4

കൂടുതൽ വായിക്കുക

അക്ഷരായനത്തിലെ ഏറ്റവും വൈവിധ്യമാർന്ന വായനാക്കൂട്ടായ്മകളിലൊന്നാണ് കാറ്റഗറി 4 (C4). പൊതസമൂഹത്തിന്റെ ചെറു പതിപ്പ് എന്നുതന്നെ ഇതിനെ വിശേഷിപ്പിക്കാം. കോളജ് വിദ്യാർത്ഥികളും 80 വയസ്സ് പിന്നിട്ട മുതിർന്നവരും ഒരേ പുസ്തകം വായിക്കുകയും ഒരേ ചർച്ചയിൽ പങ്കുചേരുകയും ചെയ്യുന്ന അപൂർവ വേദിയാണ് C4.

ഇവിടെ ഒരാളുടെ പ്രായമോ തൊഴിലോ ലിംഗമോ സാമൂഹിക പശ്ചാത്തലമോ പ്രാധാന്യമർഹിക്കുന്നില്ല. വായനയോടുള്ള താത്പര്യവും തുറന്ന സംവാദത്തിനുള്ള മനസ്സുമാണ് പ്രധാനമായിട്ടുള്ളത്. ആഴത്തിലുള്ള വായനയും ചിന്തോദ്ദീപകമായ ചർച്ചകളും C4-ന്റെ മുഖമുദ്രയാണ്.

ലോകസാഹിത്യം, ഇന്ത്യൻ സാഹിത്യം, മലയാള സാഹിത്യം എന്നിവയിൽ നിന്നുള്ള വിവിധ കാലഘട്ടങ്ങളിലെ മികച്ച കൃതികളാണ് വായനയ്ക്കായി തിരഞ്ഞെടുക്കപ്പെടുന്നത്. ഈ വായനയിലൂടെ പങ്കാളികൾ വിമർശനാത്മകമായും സ്വതന്ത്രമായും ചിന്തിക്കാനും, സ്വന്തം കാഴ്ചപ്പാടുകളും മൂല്യങ്ങളും രൂപപ്പെടുത്താനും, മറ്റുള്ളവരുടെ ജീവിതാനുഭവങ്ങൾ കൂടുതൽ ആഴത്തിൽ മനസ്സിലാക്കാനും പ്രാപ്തരാകുന്നു.

അംഗങ്ങളുടെ നൈസർഗികമായ കഴിവുകൾ കണ്ടെത്താനും പരിപോഷിപ്പിക്കാനും C4 പ്രോത്സാഹനം നൽകുന്നു.

വ്യത്യസ്ത പ്രായക്കാരും പല തൊഴിൽമേഖലകളിൽ പ്രവർത്തിക്കുന്നവരും വിവിധ ദേശങ്ങളിൽ താമസിക്കുന്നവരുമാണ് C4-ലെ അംഗങ്ങൾ. ഈ വൈവിധ്യമാണ് മറ്റ് കാറ്റഗറികളിൽ നിന്ന് C4-നെ വേറിട്ടുനിർത്തുന്നതും അതിന്റെ ഏറ്റവും വലിയ ശക്തിയായി മാറുന്നതും.

“നാനാത്വത്തിൽ ഏകത്വം” എന്ന ആശയമാണ് C4-ന്റെ കരുത്തും ഊർജവും.

“വായന നമ്മെ കൂടുതൽ അറിവുള്ളവരാക്കുന്നു; അതിലുപരി കൂടുതൽ മനുഷ്യരാക്കുന്നു.”

കാറ്റഗറി 5

കൂടുതൽ വായിക്കുക

അക്ഷരായനം വായന ഗ്രൂപ്പിൽ അധ്യാപകരുടെ കാറ്റഗറിയാണ് C5. ഇതിൽ പ്രീ പ്രൈമറി മുതൽ കോളേജ് അധ്യാപകർ വരെ ഉണ്ട്. Retd.അധ്യാപകരുംഅധ്യാപക വിദ്യാർഥികളും ഗ്രൂപ്പിൽ ഉണ്ട്. കുട്ടികളിൽ വായന വളർത്തുന്നതിൽ അധ്യാപകരുടെ പങ്ക് വലുതാണ്. അതുകൊണ്ടു തന്നെ ഈ കാറ്റഗറി അക്ഷരായനത്തിൻ്റെ നെടുംതൂൺ ആയി പ്രവർത്തിക്കുന്നു.2 ഭാരവാഹികളുടെ മേൽനോട്ടത്തിൽ 10 ലീഡ് അംഗങ്ങൾ ഈ ഗ്രൂപ്പിൻ്റെ പ്രവർത്തനങ്ങൾ മുന്നോട്ട് കൊണ്ടു പോകുന്നു.

ഇംഗ്ലീഷ് Odyssey 1

ഉള്ളടക്കം പിന്നീട് ചേർക്കേണ്ടതാണ്

കൂടുതൽ വായിക്കുക

ഇംഗ്ലീഷ് Odyssey 1 വിഭാഗത്തിന്റെ വിശദമായ ഉള്ളടക്കം ഇവിടെ ചേർക്കാം.*

ഇംഗ്ലീഷ് Odyssey 2

ഉള്ളടക്കം പിന്നീട് ചേർക്കേണ്ടതാണ്

കൂടുതൽ വായിക്കുക

ഇംഗ്ലീഷ് Odyssey 2 വിഭാഗത്തിന്റെ വിശദമായ ഉള്ളടക്കം ഇവിടെ ചേർക്കാം.*

ഇംഗ്ലീഷ് Odyssey 3

ഉള്ളടക്കം പിന്നീട് ചേർക്കേണ്ടതാണ്

കൂടുതൽ വായിക്കുക

ഇംഗ്ലീഷ് Odyssey 3 വിഭാഗത്തിന്റെ വിശദമായ ഉള്ളടക്കം ഇവിടെ ചേർക്കാം.*

വായനേതരം

വായനയ്ക്കൊപ്പം സംഗീതം, ചിത്രം, കൃഷി, സാങ്കേതിക വിദ്യ, സാമൂഹിക പ്രവർത്തനം തുടങ്ങിയ മേഖലകളിലൂടെയും അംഗങ്ങളുടെ കഴിവുകളും പങ്കാളിത്തവും വളർത്തുന്ന വിഭാഗങ്ങൾ.

കർമ്മായനം

കൂടുതൽ വായിക്കുക

അക്ഷരായനത്തിൻ്റെ ഉപഗ്രൂപ്പായ കർമ്മായനം PSC നിയമനം നേടാൻ ഉദ്യോഗാർഥികളെ സഹായിക്കുന്നതിനു വേണ്ടി സൗജന്യ പരിശീലനം നൽകുന്നു. അതോടൊപ്പം വിജ്ഞാനപ്രദമായ അറിവുകൾ ഗ്രൂപ്പുകളിലൂടെ പങ്കുവയ്ക്കുന്നു. CM KIDS (LSS, USS) പരീക്ഷാ പരിശീലനം, K-TET പരീക്ഷാ പരിശീലനം എന്നിവ നൽകി വരുന്നു.

PDF

LSS / USS Scholarship Winners 2026

കർമ്മായനം ഗ്രൂപ്പിന്റെ നേതൃത്വത്തിൽ പഠിച്ച LSS / USS സ്കോളർഷിപ്പ് വിജയികൾക്കുള്ള അഭിനന്ദന പോസ്റ്റർ.

പോസ്റ്റർ കാണാം

രാഗായനം

കൂടുതൽ വായിക്കുക

2017മുതൽ വായനവളർത്തി വസന്തം വിരിയിക്കാൻ യത്നിക്കുന്ന അക്ഷരായനം വായന ഗ്രൂപ്പിന്റെ സ്നേഹ സംരക്ഷണയിൽ നിലനിൽക്കുന്ന അക്ഷരായന ഉപ ഗ്രൂപ്പുകളിൽ ഒന്നായ രാഗായനം

എല്ലാത്തരം സംഗീതത്തെയും സ്നേഹിക്കുന്ന സഹൃദയരുടെ സൗഹൃദ കൂട്ടായ്മയാണ് രാഗായനം. സംഗീതത്തെ സ്നേഹിക്കുന്നവർക്കും സംഗീതം അറിയുന്നവർക്കും സംഗീതം അറിയണമെന്നുള്ളവർക്കും പാടാൻ ഇഷ്ടമുള്ളവർക്കും വേണ്ടിയുള്ള കൂട്ടായ്മയ. നിയമാവലിക്ക് വിധേയമായിക്കൊണ്ട് അംഗമായി ചേർന്ന് സംഗീത വസന്തം വിരിയിക്കാനുള്ള സംഗീത കൂട്ടായ്മയാണ് രാഗയനം.

ആഴ്ചയിൽ ഏഴു ദിവസവും രാവിലെ 5 മണി മുതൽ രാത്രി 11 മണി വരെ ആക്ടീവ് ആയിട്ടുള്ള ഗ്രൂപ്പാണിത്. എല്ലാദിവസവും രാത്രി 8മണി മുതൽ 9: 30 വരെ ( പ്രൈം ടൈം ) വ്യത്യസ്ത ഗാന ശാഖയിലെ ഗാനങ്ങൾ അപ്പോൾ പാടുകയോ റെക്കോർഡ് ചെയ്തു വെച്ചതോ ആയ ഗാനങ്ങൾ പോസ്റ്റ് ചെയ്യാം.( audio) അവതരിപ്പിക്കാൻ അംഗങ്ങൾക്ക് അവസരം. പ്രൈം ടൈം നയിക്കാൻ പ്രോഗ്രാം മാനേജർമാർ ഉണ്ട്. 10 ലീഡ് അംഗങ്ങളെ ഉൾപ്പെടുത്തിക്കൊണ്ട് എക്സിക്യൂട്ടീവ് കമ്മിറ്റിയും പ്രവർത്തിക്കുന്നു. വീഡിയോ, ഫോട്ടോ ആഴ്ചയിൽ ഒരു ദിവസം മാത്രമേ അനുവദിക്കുന്നുള്ളൂ.. പുറമേയുള്ള ലിങ്കുകൾ (FB, യു ട്യൂബ്, insta, മറ്റ് ബിസിനസ് ലിങ്ക്സ് etc)അനുവദിക്കുന്നതല്ല. നിയമാവലിയിൽ കൃത്യമായും പറയുന്നുണ്ട്.

ചിത്രായനം

കൂടുതൽ വായിക്കുക

ചിത്രകല, ശിൽപ്പകല, ഫോട്ടോഗ്രാഫി എന്നീ മേഖലകളിൽ താത്പര്യമുള്ള 300-ലധികം അംഗങ്ങളുള്ള ഗ്രൂപ്പാണ് ചിത്രായനം. കഴിഞ്ഞ 9 വർഷങ്ങളായി പ്രവർത്തിക്കുന്ന അക്ഷരായനം എന്ന കൂട്ടായ്മയുടെ നേതൃത്വത്തിൽ, ലോകത്തിലെ വിവിധ രാജ്യങ്ങളിലെ ചിത്രരചനയിലും ശിൽപകലയിലും ഫോട്ടോഗ്രാഫിയിലും താത്പര്യമുള്ള മലയാളികളെ ചേർത്തുകൊണ്ട്, അവരുടെ സർഗ്ഗാത്മക രചനകൾ പങ്കിടുവാൻ ഒരിടം എന്ന നിലയിൽ ചിത്രായനം വിപുലമായി ഒരു തലം സൃഷ്ടിക്കുന്നു.

ഈ വർഷം ചിത്രായനം ചെയ്യാൻ ഉദ്ദേശിക്കുന്ന പ്രവർത്തനങ്ങൾ / ആശയങ്ങൾ

ആഴ്ചതോറുമുള്ള പ്രവർത്തനങ്ങൾ • ഞായർ — ‘ഗ്യാലറി ഡേ’ ആയി നടത്തുന്നു. വിവിധങ്ങളായ മികവുകൾ, രചനകൾ, ചിത്രങ്ങൾ, ഫോട്ടോകൾ എന്നിവ പ്രദർശിപ്പിക്കാവുന്നതാണ്. • തിങ്കൾ — ഫോട്ടോഗ്രാഫി സാങ്കേതിക വിദ്യ പരിചയപ്പെടുത്തൽ, ഫ്രീ തീം ഫോട്ടോഗ്രാഫി. സ്വയം എടുത്ത ചിത്രങ്ങൾ പോസ്റ്റ് ചെയ്യാവുന്നതാണ്. • ചൊവ്വ — തീം അടിസ്ഥാനമാക്കിയുള്ള ഫോട്ടോഗ്രാഫി മത്സരങ്ങൾ. • ബുധൻ — മ്യൂറൽ പെയിന്റിംഗ്. • വ്യാഴം — പെൻസിൽ ഡ്രോയിംഗ്. • വെള്ളി — വാട്ടർ കളർ / അക്രിലിക്. • ശനി — ക്രാഫ്റ്റ് / ശിൽപ നിർമ്മാണം.

മാസാന്ത്യ പ്രവർത്തനങ്ങൾ • May — Basic Photography Online Workshop. • June — പോസ്റ്റർ രചന മത്സരം, June 5. • July — ചിത്രരചന Online Workshop. • August — ഓണവുമായി ബന്ധപ്പെട്ട് “വർണവില്ല്” പോസ്റ്റർ രചന മത്സരം. • September — Photo Editing Online Workshop. • October — മഹാനവമി / വിജയദശമി ദിന പരിപാടികൾ. • November — മുറ്റത്തെ മുല്ല. • December — ചിത്രരചന Online Workshop.

പ്രത്യേക പ്രവർത്തനം • മാസത്തിൽ ഒരു ദിവസം ലോകത്തിലെ / ഇന്ത്യയിലെ / കേരളത്തിലെ ചിത്രകലയിലെ പ്രതിഭകളെ പരിചയപ്പെടുത്തുക.

കർഷക മിത്രായനം

കൂടുതൽ വായിക്കുക

അക്ഷരായനത്തിന്റെ ഉപഗ്രൂപ്പായ കർഷകമിത്രായനം 2021 ചിങ്ങം ഒന്നിന് കർഷക ദിനത്തിൽ ആരംഭിച്ചു. കൃഷി പ്രോത്സാഹിപ്പിക്കുകയും കാർഷിക അറിവുകൾ പങ്കുവയ്ക്കുകയും ചെയ്യുന്നതിന് വേണ്ടി തുടങ്ങിയ ഗ്രൂപ്പാണ് കർഷകമിത്രായനം.

തുടക്കത്തിൽ കുറച്ച് അംഗങ്ങൾ മാത്രമായിരുന്നു ഉണ്ടായിരുന്നത്. ഇപ്പോൾ 287 അംഗങ്ങൾ കർഷക ഗ്രൂപ്പിൽ ഉണ്ട്. കുട്ടികളിൽ കൃഷി പ്രോത്സാഹിപ്പിക്കാൻ കുട്ടി കർഷക ഗ്രൂപ്പും തുടങ്ങിയിട്ടുണ്ട്.

അക്ഷരായനത്തിന്റെ എല്ലാ സംഗമങ്ങളിലും വിത്തുകളും തൈകളും കൈമാറ്റം ചെയ്യപ്പെടുന്നു. കൂടാതെ കാർഷിക അറിവുകൾക്കായുള്ള ക്ലാസുകളും നടത്തപ്പെടുന്നു. കാർഷിക മൂല്യവർദ്ധിത ഉൽപ്പന്നങ്ങളുടെ ക്ലാസുകളും അംഗങ്ങൾക്ക് നൽകുന്നു.

എല്ലാവർഷവും കാർഷിക സർവകലാശാല സന്ദർശിച്ച് അറിവുകൾ നേടാറുണ്ട്. ചിങ്ങം ഒന്നിന് മികച്ച കർഷകരെയും കുട്ടി കർഷകരെയും തിരഞ്ഞെടുക്കുന്നു. കൃഷി പ്രോത്സാഹിപ്പിക്കുന്നതിന്റെ ഭാഗമായി സ്കൂളുകളെ തിരഞ്ഞെടുത്ത് അവിടെ വൃക്ഷത്തൈ നടലും വിത്ത് വിതരണവും കാർഷിക ക്ലാസുകളും നൽകുന്നു.

ICT

കൂടുതൽ വായിക്കുക

ICT TEAM

2025-2026

ശ്രീമതി ലിസ മാത്യു ടീച്ചർ ചെയർ പേഴ്സണായ ഈ കമ്മിറ്റിയിലെ വൈസ് ചെയർ പേഴ്സൺ ശ്രീമതി. സിൽജ മോഹനം, ലീഡർ ശ്രീമതി. പ്രിയ ബി, ഉപലീഡർ ശ്രീ. പ്രമോദകുമാർ. ശ്രീമതി കീർത്തി, ശ്രീ ഹരിദാസൻ, ശ്രീ ആനന്ദ്, മിസ് അമൃത എന്നിവരും അംഗങ്ങളാണ്. ഐസിടിയുടെ ചാർജ്ജുള്ള അക്ഷരായനം പ്രത്യേക പ്രതിനിധികളാണ് ഡോ.ബെന്നി ജേക്കബ്ബ്, ശ്രീമതി. സരോജിനി ടീച്ചർ, ശ്രീമതി. നിഷ ഫ്രാൻസിസ് ടീച്ചർ എന്നിവർ.

മറ്റംഗങ്ങൾ: കാറ്റഗറി 1- ശ്രീമതി. ഷീജ സിപി, കാറ്റഗറി 2- ശ്രീമതി ദീപ്തി VV, കാറ്റഗറി 3 - ശ്രീമതി. മായാദേവി, കാറ്റഗറി 4- ശ്രീ അജിത് കുമാർ, കാറ്റഗറി 5- ശ്രീമതി. സുമ വി, കർമ്മായനം ശ്രീമതി രാജിക, ചിത്രായനം ശ്രീ സെയ്ഡ് ഷാഫി, രാഗായനം ശ്യാമള, കർഷക മിത്രായനം, ഇംഗ്ലീഷ് ഒഡീസ്സിയിൽ നിന്നും ശ്രീ. അരുൺ കുമാർ എം, ശ്രീമതി. സൂസൻ ചെറിയാൻ എന്നിവരാണ് അംഗങ്ങൾ.

പ്രവർത്തനങ്ങൾ

✒️ ജൂൺ മുതൽ തുടങ്ങുന്ന അക്ഷരായനം വായനോത്സവത്തിൻ്റെ ആദ്യപടിയായ രജിസ്ട്രേഷൻ പ്രവർത്തനങ്ങൾക്ക് നേതൃത്വം നൽകുന്നു.

✒️ കാറ്റഗറി അനുസരിച്ച് വായന പങ്കാളികളെ ഗ്രൂപ്പുകളാക്കി തിരിക്കുന്നു.

✒️ വായനോത്സവ പ്രവർത്തനങ്ങൾക്കാവശ്യമായ പ്രചാരണം നടത്തുന്നു. പോസ്റ്ററുകൾ, നോട്ടീസുകൾ, ജീപ്പ് അനൗൺസ്‌മെൻ്റുകൾ തുടങ്ങി വിവിധങ്ങളായ ആകർഷക രീതികൾ സ്വീകരിച്ചു വരുന്നു.

✒️ ഓരോ ഘട്ടത്തിലും അനുബന്ധ പ്രവർത്തനങ്ങളുടെ മാർക്ക് ലിസ്റ്റുകൾ ക്രോഡീകരിച്ച് നൽകുന്നു.

✒️ ഗൂഗിൾ ഫോം വിലയിരുത്തലിന് ആവശ്യമായ ചോദ്യങ്ങൾ തയ്യാറാക്കി നൽകുന്നു.

✒️ ഓരോ ഘട്ടത്തിലേയും സ്കോർ ഷീറ്റുകളും ഫൈനൽ സ്കോർ ഷീറ്റും കുറ്റമറ്റ രീതിയിൽ തയ്യാറാക്കി പ്രസിദ്ധീകരിക്കുന്നു.

✒️ വിവിധ കാറ്റഗറികളിലേക്കും അനുബന്ധ ഗ്രൂപ്പുകളിലേക്കും ആവശ്യമായ സഹായ സഹകരണങ്ങൾ ചെയ്തു വരുന്നു.

✒️ വായനോത്സവ വിജയികളുടെ തരം തിരിച്ച ലിസ്റ്റുകൾ തയ്യാറാക്കി സർട്ടിഫിക്കറ്റുകളും ട്രോഫികളും വേണ്ടവരെ വേർതിരിച്ച് ലിസ്റ്റ് പ്രസിദ്ധീകരിക്കുന്നു.

✒️ കൂടാതെ ആദരം ഏറ്റു വാങ്ങുന്നവർ, ലൈബ്രേറിയൻമാർ തുടങ്ങി ഓരോരുത്തരുടേയും ലിസ്റ്റുകൾ വായനോത്സവ കുടുംബ സംഗമത്തിലേക്ക് തയ്യാറാക്കി നൽകുന്നു.

✒️ പ്രതിമാസ വായനക്കാവശ്യമായ സഹായ സഹകരണങ്ങൾ ചെയ്തു വരുന്നു.

ഈ ടീമിലെ അംഗങ്ങൾ മറ്റു കാറ്റഗറികളിലേയും ഭാരവാഹിത്വം ഏറ്റെടുത്ത് നടത്തുന്നവരാണ്. ശ്രീമതി ലിസ മാത്യു ടീച്ചറുടെ നേതൃത്വത്തിലുള്ള ICT യുടെ പ്രവർത്തനം അക്ഷരായനത്തോടൊപ്പം യാത്ര തുടരുന്നു.

വായനാമികവ്

വായനയെ ഇഷ്ടപ്പെടുന്ന അക്ഷരായനം അംഗങ്ങൾക്കായി രൂപം നൽകിയ കൂട്ടായ വായനായിടം.

വായനയുടെ മാന്ത്രികസ്പർശം

കൂടുതൽ വായിക്കുക

അക്ഷരായനം വായനോത്സവത്തിൽ പങ്കെടുത്തു മികച്ചവരും മികവാർന്നവരുമായി തിരഞ്ഞെടുക്കപ്പെട്ട വായനക്കാരും വായനോത്സവത്തിൽ പങ്കെടുക്കാൻ ആഗ്രഹിക്കാത്ത എന്നാൽ വായനയെ ഇഷ്ടപ്പെടുന്ന അക്ഷരായനം മറ്റംഗങ്ങൾക്കുമുള്ളൊരു വായനായിടമായിട്ടാണ് വയനാമികവുദളത്തിന് രൂപം നൽകിയത്. 2024ൽ ഗ്രൂപ്പ് ആരംഭിച്ചെങ്കിലും പ്രവർത്തനം ഉണ്ടായില്ല. ഒൻപതാം വായനോത്സവത്തിന്റെയൊപ്പം വയനാമികവുദളത്തിനും തുടക്കമിടാൻ കഴിഞ്ഞതിൽ വളരെ സന്തോഷമുണ്ട്. വ്യക്തിഗത വായനയെ കൂട്ടായൊരു പ്രവർത്തനത്തിലേക്കു കൊണ്ടുവരാൻ കഴിഞ്ഞു എന്നതാണ് ഈ ഉദ്യമത്തിന്റെ പ്രത്യേകത.

തുടക്കമെന്ന നിലയിൽ വായനോത്സവത്തിൽ മൂന്നു മുതൽ അഞ്ചു വരെയുള്ള ഗ്രൂപ്പുകളിലെ പുസ്തകങ്ങൾ തന്നെയാണ് ഇവിടെയും വായനക്കായി ഉപയോഗിച്ചത്. വായന തുടരുകയും ഒരു ദിവസം നിശ്ചയിച്ചു തീർത്തും അനൗപചാരികമായി ഒരു കോലായ ചർച്ചയിൽ പുസ്തകം വിലയിരുത്തപ്പെടുകയും ചെയ്യുന്നു. ഓരോ പുസ്തകവും ശ്രദ്ധാപൂർവ്വം വായിക്കുകയും അപഗ്രഥിക്കുകയും ചെയ്തു. വായന അറിവിനെ മാത്രമല്ല, ഭാവനയെയും സഹാനുഭൂതിയെയും വൈകാരിക വളർച്ചയെയും പരിപോഷിപ്പിക്കുന്ന രീതിയിലുള്ള വായനാ ദിനങ്ങളായിരുന്നു അവ. ശ്രദ്ധേയമായ വായനാനുഭവങ്ങൾ പങ്കു വെച്ചു. അവയിൽ പലതും പുതിയ ഉൾക്കാഴ്ചകൾ നൽകുന്ന മികച്ച പ്രബന്ധങ്ങളായി വികസിപ്പിക്കാവുന്നതാണ്.

അഭിരുചികൾ അനുനിമിഷം മാറിക്കൊണ്ടിരിക്കുന്ന, ജീവിതത്തിലുടനീളം ഡിജിറ്റൽ മീഡിയ സ്വാധീനം ചെലുത്തുന്ന ഈ വർത്തമാനകാലത്ത് പുസ്തകങ്ങളുമായി സജീവ കൂട്ടുകെട്ടിൽ ഇടപഴകുന്ന ഒരു കൂട്ടം സ്ഥിര വായനക്കാരെ കണ്ടെത്താൻ വായനാമികവുദളത്തിലൂടെ സാധിച്ചുവെന്നതിൽ അക്ഷരായനത്തിന് അഭിമാനിക്കാം.

മനുഷ്യ മനസ്സിനെ വിമർശനാത്മകമായി ചിന്തിക്കാൻ പരിശീലിപ്പിക്കുന്ന വായന തലച്ചോറിൽ പുതിയ വാക്കുകൾ, നൂതന ആശയങ്ങൾ, സമ്മിശ്ര വികാരങ്ങൾ എന്നിവ ചിന്തനീയമായ രീതിയിൽ ബന്ധപ്പെടുത്തുന്നുണ്ട്. അങ്ങനെ വായന നമ്മെ മനസ്സിലാക്കാൻ സഹായിക്കുന്നു. ചില പുസ്തകങ്ങൾ നമ്മുടെ സുഹൃത്തുക്കളായി മാറുന്നതും കാണാം. ഇ-ബുക്കുകളും ഓഡിയോ ബുക്കുകളും വായനക്കും കേൾവിക്കും എളുപ്പത്തിൽ ബന്ധപ്പെടാൻ സാധിക്കുന്നുവെങ്കിലും പുസ്തക വായനയുടെ കാതൽ മാറ്റമില്ലാതെ തുടരുന്നു. ഒഴിവുസമയ വായനയുടെ മൂല്യം ഒട്ടും കുറഞ്ഞിട്ടില്ലയെന്നു വ്യക്തമാണ്. വായനയുടെ ഈ മാന്ത്രികത ഒരിക്കലും മങ്ങാതെ നമുക്ക് കാത്തുസൂക്ഷിക്കാം.